وتەبێژی جێگری سەرۆك وەزیرانی هەرێم رایدەگەیەنێت، وا بڕیارە ئەمڕۆ قوباد تاڵەبانی جێگری سەرۆك وەزیرانی هەرێم لەگەڵ وەزیری بەرگریی توركیا كۆببێتەوه و چەند پرسێكی نێوان هەرێم و توركیا تاوتوێبكرێن.
سەمیر هەورامی وتەبێژی جێگری سەرۆك وەزیرانی هەرێم لە لێدوانێكدا بە تۆڕی میدیایی ئێستای راگەیاند، بڕیارە ئەمڕۆ چوارشەممە، قوباد تاڵەبانی جێگری سەرۆك وەزیرانی هەرێم لەگەڵ یەشار گولەر وەزیری بەرگریی توركیا كۆببێتەوە و تاوتوێی چەند پرسێكی نێوان هەرێم و توركیا بكرێت.
شەوی رابردوو، یەشار گولەر وەزیری بەرگریی توركیا گەیشتە هەرێمی كوردستان و زنجیرەیەك دیدار و كۆبوونەوەی لەگەڵ بەرپرسانی هەرێمی كوردستان ئەنجامدا.
