بەڕێوەبەرایەتیی تەندروستیی هەولێر ژمارەیەك لە مووچەخۆران بۆ وەرگرتنی كارتی بانكیی مووچە ئاگاداردەكاتەوە.
بەپێی راگەیەندراوێكی بەڕێوەبەرایەتیی گشتیی تەندروستیی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە و ئاگاداری سەرجەم ئەو فەرمانبەرانە دەكەینەوە كە ناویان لەم لیستەی خوارەوە هاتووە رۆژی چوارشەممە سەردانی بانكی زاگرۆس بكەن بۆ وەرگرتنەوەی كارتی هەژماری من.
هەر لە راگەیەندراوەكەدا هاتووە، مووچەخۆران دەتوانن لە كاتژمێر 8:30ی خولەكی بەیانی تاوەكو كاتژمێر 3:30 ی پاشنیوەڕۆ سەردانی بانكی زاگرۆس بكەن كە بۆ وەرگرتنەوەی كارتی هەژماری من مووچەخۆر دەبێت كارتی نیشمانی یاخود پاسپۆرتی پێبێت.
