كەشناسیی هەرێم پێشبینییەكانی خۆی بۆ كەشوهەوا بڵاوكردەوە، ئەمڕۆ باران زۆربەی ناوچەكانی هەرێم و بەفر ناوچە شاخاوییەكان دەگرێتەوە.
بەڕێوبەرایەتیی كەشناسی و بومەلەرزەزانیی هەرێم ئەمڕۆ چوارشەممە 23ی كانونی یەكەم پێشبینییەكانی كەشوهەوای ئەمڕۆ و سبەی بڵاوكردەوە، تیایدا هاتووە، ئەمڕۆ لە سەرجەم ناوچەكانی هەرێم باران دەبارێت و لە ناوچە شاخاوییەكان بەفر دەبارێت.
ئەمڕۆ نزمترین پلەی گەرما لە پارێزگای سلێمانی تۆمار دەكرێت كە پلەی گەرما دەگاتە 3 پلە.
سەبارەت بە پێشبینییەكانی كەشوهەوا بۆ سبەی پێنجشەممە، پێشبینیكراوە، سبەی كەشوهەوا وەك ئەمڕۆ دەبێت تا دوای نیوەڕۆ و دواتر تاڕادەیەك باران و بەفر كەم دەبێتەوە و ئاسمان بەرەو ساماڵ بوون دەچێت.
پێشبینی ئەوەش كراوە، سبەی نزمترین پلەی گەرما لە سلێمانی تۆمار دەكرێت كە دەگاتە 2 پلە.
