لەسەر سكاڵای هاوڵاتییەك، بەتۆمەتی دزینی 18 ملیۆن دینار دوو تۆمەتبار دەستگیركران.
بەڕێوەبەرایەتیی پۆلیسی پارێزگای سلێمانی لە راگەیەندراوێکدا بڵاویکردەوە، دوای ئەوەی هاوڵاتییەك سكاڵای لەبەشی پۆلیسی سەیدسادق تۆماركرد كە قاسەی فرۆشتگاکەی شكێندراوە و بڕی 18 ملیۆن دیناری لێدزراوە، هێزەكانی بەشی پۆلیسی سەیدسادق لێكۆڵنەوە و بەدواداچوونەكانیان بۆ دۆزینەوەو دەستگیركردنی تۆمەتبار دەستپێكرد.
باس لەوەش دەکات، دوای وەرگرتنی بڕیاری دادوەر، سەرەنجام توانرا لە لایەن نوسینگەی نەهێشتنی تاوانی سەیدسادقی سەربەبەشی پۆلیسی سەیدسادق تۆمەتباران بدۆزرێنەوە و دەستگیربكرێن.
بەپێی راگەیەندراوەکە، لە ئێستادا هەریەك لە تۆمەتباران، ح،ب،ع لەدایكبووی 1980 و أ،ح،ع لەدایكبووی 1979 بەناسنامە سوری، بەبڕیاری دادوەرو بەپێی ماددەی 443 لەیاسای سزادانی عێراقی راگیراون.
