نەوتی خاوی برێنت و نەوتی خاوی ئەمریکی لە ماوەی ئەم هەفتەیەدا نزیکەی 7٪ دابەزینیان بەخۆوە بینی، ئەوەش بەهۆی داتاکانی راپۆرتی هەلی کار لە ئەمریکا و دابەزینی گەشەی ئابووری لە چین و ئەگەری کەمبوونەوەی گرژییەکانی رۆژهەڵاتی ناوەڕاست.
ئەمڕۆ یەکشەممە، بەرمیلێک نەوتی خاوی برێنت بەرامبەر بە 77 دۆلار و 33 سەنت مامەڵەی پێوەدەکرێت و بەرمیلێک نەوتی خاوی ئەمریکی بەرامبەر بە 72 دۆلار و 28 دۆلار مامەڵەی دەکرێت.
رێژەی سوودی بەرز کە گەشەی ئابووری و خواست لەسەر نەوت لاواز دەکات، پێدەچێت لە ماوەیەکی نزیکدا لە ئابوورییە گەورەکانی وەک ئەمریکا و ناوچەی یۆرۆدا بەردەوام بێت.
داتاکانی ڕۆژی هەینی دەریخستووە کە کۆمپانیا ئەمریکییەکان لە مانگی یەکدا هەلی کاریان زیاد کردووە لەوەی چاوەڕوان دەکرا، ئەمەش ئەگەری کەمکردنەوەی رێژەی سوودی بانکی فیدراڵی ئەمریکا کەمدەکاتەوە.
