بەپێی پێشبینی کەشناسیی هەرێم، بارستە هەوایەکی سارد ناوچەکانی هەرێم دەگرێتەوە و پلەکانی گەرما بە (4-6) پلەى سیلیزی دادەبەزن.
بەڕێوەبەرایەتیی گشتیی کەشناسی و بومەلەرزەزانیی هەرێم رایگەیاند، ئەمشەو بارستە هەوایەکى سارد روو لە ناوچەکەمان دەکات کاریگەرییەکەی بۆماوەى چەند رۆژێک دەمێنێتەوە، پلەکانى گەرما بە نزیکەى (4-6) پلەى سیلیزى دادەبەزن و لە ناوچە شاخاوی و سنوورییەکان بۆ سفر پلەى سیلیزى دادەبەزێت.
ئاماژە بەوەش دەکات، لەگەڵ هاتنى ئەو بارستە هەوا ساردە باران و بەفر لە سەرجەم ناوچە شاخاوییە سنووریەکان و ناوچە شاخاوییەکانى باکوور و رۆژهەلاتى هەرێم و بەشێک لە ناوچە جیاجیاکانى پارێزگاى سلێمانى لە کاتەکانى شەودا و کاتەکانى بەرەبەیانیى رۆژى هەینى دەبارێت، لە سنوورى پارێزگاى هەولێر ئەگەرى نمە باران و لە ناوچە شاخاوییەکانیش بەفر دەبارێت.
باس لەوەش دەکات، لە بەشێکی ناوچە شاخاوییە سنوورییەکانى باکوورو باکوورى رۆژهەڵاتى پارێزگاى دهۆک ئەگەرى بەفر بارینى کەم هەیە .
