لە سنووری قەزای سەیدسادق هاوڵاتییەک لەسەر بڕینەوەی داری سروشتی دەستگیرکرا و دوو کورەی خەڵوز تێکدران.
بەڕێوەبەرایەتیی پۆلیسی دارستان و ژینگەی پارێزگای سلێمانی رایگەیاند، لە پێناو پاراستنی سروشت و ژینگە بەردەوام لەلایەن مەفرەزەکانی سەر بە بەڕێوەبەرایەتیمانەوە لەسەرجەم سنوورەکاندا رێگری لە بڕینی داری سروشتی دەکرێت، بۆ ئەو مەبەستەش لە ئەنجامی دەرچوونی مەفرەزەیەکى بەشى پۆلیسى دارستان و ژینگەى سەیدسادق بۆ سنوری گوندی (مـاو) توانرا هاوڵاتییەك دەستگیربکرێت و دوو کورەی خەڵوز تێکبدرێت و دەستبەسەر 40لق داری بڕدراودا بگیرێت.
باس لەوەش دەکات، پەڕاوی لێکۆڵینەوە رێکخراوەو رادەستی دادوەر کراوە بۆ وەرگرتنی رێکاری یاسایی .
