وەك لە ژمارەیەك وێنەدا دەركەوتووە، مستەفا كازمی ئێوارەی ئەمڕۆ لەگەڵ ژمارەیەك بەرپرسی دیكەدا لە خواردنگەیەك دانیشتووە و دواتر پیاسەیەكی بە گۆڕەپانی تەحریردا كردووە.
ئێوارەی ئەمڕۆ دووشەممە 4ی كانونی دووەم، مستەفا كازمی، سەرۆكوەزیرانی عێراق لەگەڵ هەریەك لە سەرۆكی دەزگای دژە تیرۆر و وەزیری وەرزش و لاوانی عێراق پیاسەیەكیان بە گۆڕەپانی تەحریردا كرد.
وەك لە وێنەكاندا دەركەوتووە، كازمی لەگەڵ ئەو بەرپرسە عێراقییانەدا پاش گەڕان بە چەند شوێنێكی بەغداد-دا نانی ئێوارەیان لە خواردنگەی زەیونە خواردووە.
ئەو دەركەوتنەی كازمی لە بەغداد پاش ئەوە دێت، هەفتەی ڕابردوو لە پایتەختی عێراق گرژی و ئاڵۆزی لەنێوان كازمی و چەند گروپێكی سەربە حەشدی شەعبی دروستبوو.
