لە قەزای سەیدسادق، هاوڵاتییەک بەتۆمەتی هەوڵدان بۆ هەڵکەندنی بیری نایاسایی دەستگیرکرا.
بەڕێوەبەرایەتیی پۆلیسی دارستان و ژینگەی پارێزگای سلێمانی لە راگەیەندراوێکدا بڵاویکردەوە، لەئەنجامی دەرچوونی مەفرەزەیەکى بەشى پۆلیسى دارستان و ژینگەى سەیدسادق بۆ ناوقەزای سەیدسادق توانیان هاوڵاتییەک دەستگیر بکەن و لەناو ماڵەکەیدا دەست بەسەر قاعیدەیەکی ئامادەکراو بۆ دروستکردنی ئامێری بیرهەڵکەندنی کارەباییدا بگرن.
باس لەوەش دەکات، پەڕاوی لێکۆڵینەوە رێکخراوەو بۆ وەرگرتنی رێکاری یاسایی رادەستی دادوەر کراوە.
