نرخی دۆلار لە بازاڕەکانی هەرێمی کوردستان و عێراق دابەزینی بەخۆیەوە دیووە بۆ خوار 152 هەزار دینار ئێستا 100 دۆلاری ئەمریکی بەرامبەر بە 151 هەزار و 600 دینارە.
لەماوەی چەند رۆژی رابردوودا، نرخی دۆلار دابەزینی بەخۆیەوە بینی و لەماوەی چەند رۆژێکدا نزیکەی دوو هەزار دیناری نرخەکەی دابەزیووە، بەڵام دابەزینی دۆلار سنوردارە و لە ئاستی چاوەڕوانییەکاندا نییە.
جەبار گۆران وتەبێژی بازاڕی دۆلارە رۆژی 18ی ئەم مانگە بە تۆڕی میدیایی ئێستای وت، هەنگاوەکانی بانکی ناوەندی و حکومەتی عێراق بە شێوەیەک باش بوون چاوەڕوان دەکرا دۆلار ئێستا لە خوار 150 هەزار دینارەوە بێت، بەڵام ناجێگیری دۆخی ناوچەکە و کەمی متمانەی هاوڵاتییان بە دراوەکانی دیکە بەراورد بە متمانەیان بە دۆلار وای کردووە نرخی دۆلار هێشتا لە بەرزیدا بمێنێتەوە.
