دەزگای هەواڵگری نیشتیمانی عێراق دەستگیرکردنی کەسێکی راگەیاند کە فێڵی لە هاوڵاتییان کردووە و پارەی لێوەرگرتوون، گوایە لیوایە لە سوپای عێراق و دایاندەمەزرێنێت و کاریان بۆ رایی دەکات.
دەزگاکە لە راگەیەندراوێکدا ئاماژەی بەوەکردووە، کەسەکە لە بەغداد دەستگیرکراوە دوای ئەوەی زانیاری لەسەر کۆکراوەتەوە، ئەو کەسە خۆی بە لیوا رووکنی سوپای عێراق ناساندووە و فێڵی لە خەڵک کردووە لە رێگەی ئەوەی مامەڵەی دامەزراندنیان گوایە بۆ دەکات.
باس لەوەشکراوە، تۆمەتبار ڕەوانەی دەسەڵاتی دادوەری دەکرێت بۆ ئەوەی رێکاری یاسایی بەرامبەری بگیرێتەبەر.
