بانكێك فرۆشتنی دۆلاری بە نرخی فەرمی بە گەشتیاران راگەیاند كە لە كاتژمێر 8ی ئەمشەوەوە لە رێگای سەكۆی ئەلیكترۆنییەوە كارادەبێت.
بەپێی راگەیەندراوێكی بانكی رەشیدی حكومی تێیدا هاتووە، لە كاتژمێر 8 ئەمشەوە بە میكانیزمێكی نوێ لە رێگای سەكۆی ئەلیكترۆنییەوە دۆلار بە نرخی فەرمیی بانكی ناوەندیی عێراق بە گەشتیاران دەدرێت، ئەوەش لە رێگای پێشكەشكردنی داواكاری لەلایەن گەشتیارانەوە بۆ پێگەی فەرمیی بانكەكە دەبێت.
هەر لە راگەیەندراوی بانكەكەدا هاتووە، داوا لە گەشتیاران دەكات ئەو زانیارییانەی داوایان لێدەكرێت پێویستە بە راست و دروست پێشكەشی بكەن.
