لە ساڵی ڕابردوودا زیاتر لە سێ هەزار ڕوداو لە سنوری ئیدارەی ڕاپەرین دۆسیەیان بۆ كراوەتەوە و پۆلیسی ناوچەكە ئاشكراشیدەكات، ڕوداوی هاتوچۆ زۆرترین قوربانی خستوەتەوە بەراورد بە ڕوداوەكانی دیكە.
بەڕێوبەرایەتی پۆلیسی ڕاپەرین ئەمڕۆ یەكشەممە 3ی كانونی دووەم ئاماری ڕوداوەكانی ساڵی 2020ی بڵاوكردەوە و دەڵێت، لە سنووری بەڕێوبەرایەتییەكەیاندا سێ هەزار و 628 ڕوداو هەبوون كە دۆسیەیان بۆ كراوەتەوە كە لەو ژمارەیە دوو هەزار و 199 دۆسیەیان بە ئەنجامگەیەندراون.
لەنێویاندا 461 ڕوداویان لەلایەن بەڕێوبەرایەتیەكەوە بە “بێ مادەی یاسایی” ناوبراوە.
ئاشكراشیكرد، لە ماوەی ساڵی ڕابردوودا بەپێی ئەو دۆسیانە هەزار و 908 كەس دەستگیركراون كە 84یان لە ڕەگەزی مێ بوون.
لە ساڵی ڕابردوودا 96 كەس بە ڕوداوی جیاجیا گیانیان لەدەستداوە كە زۆرترین قوربانی بەهۆی ڕوداوەكانی هاتوچۆوە بووە و تیایدا 28 كەس گیانیان لەدەستداوە، وەك ئەوەی لە ئامارەكەی پۆلیسی ڕاپەرین-دا هاتووە.
دەقی ئامارەكە:
