پۆلیسی سلێمانی دەستگیرکردنی کەسێکی بە تۆمەتی دزینی بارهەڵگرێک راگەیاند و دەستیش بەسەر بارهەڵگرەکەدا گیرا.
بەڕێوەبەرایەتی پۆلیسی سلێمانی بڵاویکردەوە، دوای ئەوەی هاوڵاتییەك سكاڵای تۆماركرد كە ئۆتۆمبێلە بارهەڵگرەکەی لێدزراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری داوەری لێكۆڵینەوە، توانرا لەلایەن مەفرەزەكانی نوسینگەی نەهێشتنی تاوانی کوردساتەوە تۆمەتبار بدۆزرێتەوە و دەستگیربكرێت و دەستیشبگیرێت بەسەر ئۆتۆمبێلە دزراوەكەدا.
ئاشکراشیکرد، لەئێستادا تۆمەتبار ( هـ، م، أ لەدایكبووی 1993 )بە بڕیاری دادوەر و بەپێ ماددەی 446 لەیاسای سزادان راگیراوە و لێكۆڵینەوە لەگەڵیدا بەردەوامە.
