شۆفێرێك كە كچە خوێندكارێكی كرد بەژێرەوە و هەڵاتبوو، لەلایەن هێزەكانی پۆلیسی كەركوكەوە دەستگیركرا.
بەڕێوەبەرایەتیی پۆلیسی پارێزگای كەركوك رایگەیاند، رۆژی 26ی كانونی یەكەم رووداوێكی هاتوچۆ لە جۆری شێلان لە ناوچەی رێگای بەغداد لە بەردەم پەیمانگای تەكنیكیی كەركوك روویدا و بەهۆیەوە خوێندكارێكی كچی لەدایكبووی ساڵی 2005 گیانیلەدەستدا.
دوای رووداوەكە تۆمەتبار بە ئۆتۆمبێلەكەی هەڵات و، پۆلیسی كەركوك-یش لێكۆڵینەوەی لەبارەیەوە دەستپێكرد، وەك ئەوەی لە راگەیەندراوەكەیاندا هاتووە.
ئاشكراشیكرد، ناسنامەی تۆمەتبار ئاشكراكرا و، لەلایەن هێزەكانی پۆلیسەوە دەستگیركرا و دەستیش بەسەر ئۆتۆمبێلەكەیدا گیرا.
