شەیتانە سوورەکان ریمۆنتادایان ئەنجامدا و سەرکەوتنەکانی ئاستۆن ڤێلایان راگرت.
لە یاری نێوان هەردوو یانەكە، هەریەک لە جۆن ماکگین و دێندۆنکەر، بەزوویی تۆڕی گۆڵی مان یونایتدیان هەژاند و بە 2 گۆڵی بێوەڵام کۆتاییان بە نیوەی یەکەم هێنا، پاش دەستپێکردنی نیوەی دووەم، گارناچۆ بە دوو گۆڵ ئەنجامەکەی بو یونایتد یەکسانکردەوە و لە خولەکەکانی کۆتاییشدا راسموس (کە 14 یاریی بوو نەیتوانیبوو گۆڵ تۆماربکات) گۆڵی یەکەمی خۆی لەو یانەیەدا و پێشکەوتن و بردنەوەی شەیتانە سوورەکانی تۆمارکرد.
بەم ریمۆنتادایە مان یونایتد سێ خاڵی گرنگی بەدەستهێنا و توانی سوود لە شکستەکەی نیوکاسڵ وەربگرێت و بەشێوەیەکی کاتی، دوو پلە بچێتە پێشەوەی ریزبەندیی پریمەرلیگ بۆ پلەی 6، لە ئەگەری شکستی وێستهام یونایتد کە یارییەک کەمتری ئەنجامداوە، مانچستەر لە ریزبەندییەکەدا جێگیردەبێت.
