سەرۆک وەزیرانی عێراق بەڵێنیدا کە ساڵی 2024 دەبێتە ساڵی تەواوکردنی پڕۆژەکان و هیچ پڕۆژەیەک بە تەواونەکراوی بەجێناهێڵدرێت.
لە میانەی بەشداریکردنی لە کۆبوونەوەیەکی تیمی خزمەتگوزاری و ئەندازیاری، محەمەد شیاع سودانی، سەرۆک وەزیرانی عێراق پێداچوونەوەی بە رێکارە پێویستەکان بۆ بەردەوامبوون لە جێبەجێکردن و تەواوکردنی پڕۆژەکان تا کۆتایی ساڵی داهاتوو کردەوە.
لە بارەی پڕۆژەکانەوە سەرۆک وەزیرانی عێراق جەختیلەوە کردەوە، “بە هیچ شێوەیەک هیچ پڕۆژەیەک پەسەندناکرێت ئەگەر بەڵێنی تەواوکردنی پڕۆژەکە و تێپەڕاندنی تاقیکردنەوە و ستانداردەکانی ئەندازیاری نەدات”.
وتیشی، “تیمەکان کاری بەشیان کردووە بۆ کەمکردنەوەی تێچووی پڕۆژەکان بەڵام نابێت لە کوالیتییان کەمبکرێنەوە و ستانداردەکان پێشێلبکرێت”.
