ئاژانسی بلومبێرگی ئەمریکی بڵاویکردووەتەوە کە کۆنگرێسی ئەمریکا کەمترین ژمارەی یاسای لە ساڵی 2023 لە دوای حەفتاکانی سەدەی رابردووەوە دەرکردووە.
ئاژانسەکە داتای ئینستیتیوتی بروکینگز و واشنتۆن پۆستی وەرگرتووە و ئاماژە بەوە دەکات، “تا ئێستا ئەم خولەی کۆنگرێس ناچالاکترینە و توانیویانە کەمتر لە 30 پڕۆژەیاسا تێبپەڕێنن کە ئەوەش کەمترینە لە دوای ساڵی 1973”.
ئەوەشی خستووەتەڕوو، “کۆمارییەکان لە ئەنجومەنی نوێنەران ریکۆردێکی نوێیان تۆمارکردووە سەبارەت بە ژمارەی ئەو پڕۆژە پێشنیارکراوانەی کە نەیانتوانیوە ژمارەی پێویستی دەنگەکانی تێدا بەدەستبهێنن”.
لەلایەکیترەوە ئاژانسی بلومبێرگی ئەمریکی جەختی لەوەکردووەتەوە کۆنگرێس توانیوویەتی لەمساڵدا خۆی لە کارەساتی گەورە بەدوور بگرێت.