بەهۆی خواردنی کاڵەک_ی خراپبوو بە بەکتریای سالمۆنێلا سەدان کەس لە ویلایەتە یەکگرتووەکانی ئەمریکا تووشی ئەو بەکتریایە بوون و ژمارەیەکیش گیانیان لەدەستداوە.
سالمۆنیلا بەکتریایەکە کە دەبێتە هۆی سکچوون و کرژبوونی گەدە و بەرزبوونەوەی پلەی گەرمای جەستە، نیشانەکانی لە دوای شەش کاتژمێر دەستپێدەکات تا شەش رۆژ لە چوونە ناوەوەی بەکتریاکە بۆ جەستە.
بنکەی کۆنتڕۆڵکردنی نەخۆشییەکان و پارێزگاریکردن بڵاویکردەوە، بەهۆی خواردنی کاڵەکی خراپبوو، 302 کەس تووشی بەکتریای سالمۆنیلا بوون و چوار کەسیش گیانیان لەدەستداوە.
هاوکات لە وڵاتی کەنەدا تا ئێستا 153 حاڵەتی پشتڕاستکراوەی پەتاکە تۆمارکراوە و شەش کەسیش گیانیان لەدەستداوە.
بەهۆی بڵاوبوونەوەی نەخۆشییەکەوە هاوردەکردنی کاڵەک لە رێگەی دوو کۆمپانیای ناسراوەوە راگیراوە و داوا لە هاوڵاتییان کراوە پابەندی رێنماییە خۆپارێزییەکان ببن.
