سەرۆك بافڵ جەلال تاڵەبانی سەرۆكی یەكێتیی نیشتمانیی كوردستان لە ساڵرۆژی شەهیدبوونی فەرماندە ئاكام عومەر لە تۆڕی كۆمەڵایەتیی فەیسبووك پەیامێكی بڵاوكردەوە و رایگەیاند، “ساڵێك بەسەر شەهیدبوونی برا، هاوڕێ و فەرماندە شەهید ئاكام عومەردا تێدەپەڕێت”.
لە پەیامەكەی سەرۆكی یەكێتیدا هاتووە، “ئێمە دڵسۆزی و ئازایەتی ئەو لەیاد ناكەین و یەكێتیی نیشتمانیی كوردستان هەمیشە قەرزاری رۆڵی جوامێرانەی ئەو فەرماندەیەیە كە لە پاراستنی كوردستان، رووبەڕووبوونەوەی تیرۆریستان و رێكخستنەوەی یەكێتیدا پێشكەشیكردووە”.
