نووسینگەی پاسپۆرتی گەرمیانی سەربە بەڕێوەبەرایەتی پاسپۆرتی پارێزگای سلێمانی هاوڵاتییانی سنوورەكە ئاگادار دەكاتەوە كە لە سبەی چوارشەمەوە پێدانی پاسپۆرت بە سیستمی كۆن رادەگیرێت و بەهۆی ئامادەكاری بۆ سیستمی نوێی پاسپۆرتی ئەلیكترۆنی .
لە راگەیەندراوەكەی نووسینگەی پاسپۆرتی گەرمیاندا هاتووە و داوا لە هاوڵاتییانی گەرمیان دەكات كە لە سبەی چوارشەمەوە سەردانی نووسینگەكەیان نەكەن بە مەبەستی دەرهێنان و نوێكردنەوەی پاسپۆرت، تەنها ئەو هاوڵاتییانە نەبێت كە پیشتر مامەڵەیان لە نووسینگەكە كردووە و پاسپۆرتەكانیان چاپكراوە بە مەبەستی وەرگرتنەوەیان واتە تەنها بەشی پێدانەوەی پاسپۆرت بەردەوامدەبێت كە ڕۆژانە لە كاتژمێر 8:30 خولەكی بەیانییەوە تا وەكو 4 ی پاشنیوەڕۆ لە خزمەت هاوڵاتییاندا دەبێت.
ئاماژە بۆ ئەوەش كراوە، لە دوای ئامادەكردنی هۆلەكانی نووسینگەی پاسپۆرتی گەرمیان و دانانی ئامێرەكانی سیستمی نویی پاسپۆرتی ئەلیكترۆنی دەستدەكرێت بە پێدانی پاسپۆرت بە سیستمی نوێ.
