درەنگانی شەوی رابردوو لەسەر شەقامی بازنەیی مەلیک مەحمود لە سلێمانی رووداوێکی هاتوچۆ روویدا بەهۆیەوە دوو کەس گیانیان لەدەستدا و کەسێکی دیکەش برینداربوو.
رووداوەکە لە نزیک دووڕیانی سەرچنار روویداوە و شۆفێرەکە لەژێر کاریگەریی خواردنەوەی کـــهولیدا بووە و ئۆتۆمبێلەکەی بە خێراییەکی زۆر لێخوڕیوە و لە ئەنجامدا لە کۆنتڕۆڵ دەرچووە و خۆی کێشاوە بە ستوونێکی کارەبادا.
لە رووداوەکەدا دوو سەرشینی ئۆتۆمبێلەکە دەستبەجێ گیانیان لەدەستداوە و شۆفێرەکەش بە سووکی برینداربووە.
