ئەندامێكی خولی پێنجەمی پەرلەمانی كوردستان رایدەگەیەنێت، گرێبەستی كۆمپانیا نەوتییەكان كێشەن لەبەردەم ناردنی مووچەی مووچەخۆرانی هەرێمی كوردستان و هاوكات هەنگاوەكانی چارەسەری كێشەی مووچە و بودجە لە نێوان هەرێم و بەغداد ئاشكرادەكات.
د. شێركۆ جەودەت ئەندامی خولی پێنجەمی پەرلەمانی كوردستان لە دیدارێكی تەلەفزیۆنیدا رایگەیاند، هۆكاری دەستپێنەكردنەوەی هەناردەی نەوتی هەرێمی كوردستان گرێبەستی كۆمپانیا نەوتییەكانە بەو پێیەی گرێبەستەكانیان هاوبەشییە لە نێوان هەرێم و كۆمپانیا نەوتییەكان.
بە بڕوای شێركۆ جەودەت گرێبەستی كۆمپانیا نەوتییەكان بوونەتە بەربەست لەبەردەم ناردنی مووچە و بودجە بۆ هەرێمی كوردستان.
راشیگەیاند، پێویستە مووچە لە ئینفاقی فیعلی جیابكرێتەوە و پێداچوونە بە گرێبەستە نەوتییەكانی هەرێم بكرێت و سیستمی بانكی بۆ مووچەی مووچەخۆرانی هەرێم بكرێتەوە بەو هەنگاوانە كێشەی مووچە چارەسەردەبێت.
