کەشتییەکی بارهەڵگری تورکی بە 12 سەرنشینەوە لە دەریای رەشدا ژێرئاوکەوت و تا ئێستا چارەنووسی نادیارە.
میدیاکانی تورکیا بڵاویانکردەوە، لە ئەنجامی ئەو زریان و باوبۆرانەی لە رۆژی یەکشەممەوە ناوچەکەی گرتووەتەوە کەشتییەکی بارهەڵگری تورکیا لە کەناراوەکانی دەریای رەش ژێرئاو کەوتووە و دەسەڵاتداران پەیوەندییان پێوەی پچڕاوە.
بە وتەی وەزیری ناوخۆی تورکیا، کەشتییەکە بەهۆی بەرکەوتنی بە شەپۆلە بەهێزەکانی دەریا نوقمبووە تا ئێستاش هیچ تیمێکی فریاگوزاری نەیانتوانیوە بچنە شوێنەکە و چارەنووسی سەرنشینەکان نادیارە.
چاوەڕوان دەکرێت لە دوای ئاساییبوونەوەی دۆخی کەشوهەوا هەڵمەتی گەڕان بەدوای سەرنشینانی کەشتییەکە دەستپێبکات.
