لەیس دلێمی ئەو كەسەی سكاڵای لەسەر محەمەد حەلبووسی تۆماركرد و دادگای فیدراڵی بڕیاری دوورخستنەوەیدا دەڵێت، “دادگای فیدراڵیی عێراق سەلماندی كە دەتوانێت یاسا بچەسپێنێت”.
راشیگەیاند، محەمەد حەلبووسی دەسەڵاتی خۆی خراپ بەكارهێناوە و ئێمە بڕوامان بە بڕیارەكانی دادگای فیدراڵیی عێراق هەیە و پشتیوانی هیچ لایەنكێك ناكات و دادپەروەرانە بڕیاردەدات.
ئاماژەی بۆ ئەوەش كرد، هەڵوێستی دادگای فیدراڵی جێگەی ستایشە و هیودارین دادگای فیدراڵیی عێراق بەردەوامبێت لە دەركردنی ئەو بڕیارانەی بۆ دوورخستنەوەی كەسانی گەندەڵ لە دەسەڵات و جەختیشیكردەوە، “بڕیارەكانی دادگای فیدراڵیی عێراق كاریگەری لەسەر بەڕێوەچوونی هەڵبژاردن لە عێراق نابێت”.
