بەڕێوەبەرایەتیی تەندروستیی چەمچەماڵ رایدەگەیەنێت، ئێوارەی ئەمڕۆ لە رووداوێكی هاتوچۆدا لەسەر رێگای سلێمانی – چەمچەماڵ كەسێك گیانیلەدەستدا و دوو كەسی دیكەش برینداربوون.
بەپێی راگەیەندراوێكی بەڕێوەبەرایەتیی تەندروستیی چەمچەماڵ كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ لە رووداوێكی هاتوچۆدا لەسەر رێگای سلێمانی – چەمچەماڵ نزیك وێستگەی كارەبای غازی چەمچەماڵ گەنجێكی تەمەن 26 ساڵ گیانیلەدەستدا و دوو كەسی دیكەش برینداربوون.
ئاماژە بۆ ئەوەش كراوە، دەستبەجێ تیمی فریاكەوتنی خێرا 122ی تەندروستیی چەمچەماڵ گەیشتە شوێنی رووداوەكە، بەمەبەستی چارەسەری بەپەلە بریندارەكان و گواستنەوەیان بۆ سەنتەری فریاكەوتنی چەمچەماڵ.
