رووداوێكی شەڕ و تەقەكردن لە قەزای خەبات روویدا، بەڵام زیانی گیانی نەبووە.
ئێوارەی ئەمڕۆ لە قەزای خەبات-ی سەر بە پارێزگای هەولێر شەڕ لە نێوان هاوڵاتیەک و دوکاندارێک دروستبوو، دواتر شەڕەكە سەریكێشا بۆ چەک راکێشان و تەقەکردن.
پەیامنێری تۆڕی میدیایی ئێستا لە زاری شاهێدحاڵانەوە رایگەیاند، رووداوەكە لەسەر یاری كۆنكەن بووە.
ئەوەشی وت، “هەردوو تەقەکەرەکە دەستگیرکراون، هیچ کەسێکیش بریندار نەبووە”.
دوو هەفتە لەمەوبەریش لە ئاكامی ناكۆكی و شەڕەتەقە لەو قەزایە چەند كەسێك بوونە قوربانی.
