فەرماندەی گشتیی هێزەكانی سوریای دیموكرات پیرۆزبایی جەژنی نەورۆز لە كوردانی رۆژئاوا دەكات و دەڵێت، “ئەم نەورۆزە دەبێتە سیمبوولی یەكگرتوویی هێزە كوردییەكانی رۆژئاوای كوردستان”.
بەبۆنەی جەژنی نەورۆزەوە، مەزڵوم عەبدی، فەرماندەی گشتیی هێزەكانی سوریای دیموكرات (هەسەدە) لە تۆڕی كۆمەڵایەتی ئێكس یەپامێكی بڵاوكردووەتەوە كە تێیدا هاتووە، پیرۆزبایی نەورۆزی ساڵی (2025) لە گەلی كورد لە رۆژئاوای سوریا و جیهان دەكات، هەروەها جارێكی دیكە لە دڵەوە پیرۆزبایی خۆی ئاراستەی شەڕەڤانانی هەسەدە، ئەندامانی ئاسایش، هێزەكانی پاراستنی خۆسەر و كەسوكاری شەهیدان دەكات.
هەر لە پەیامەكەیدا هاتووە، “ئەم نەورۆزە دەبێت بە سیمبوول یەكگرتوویی هێزە كوردییەكانی رۆژئاوای كوردستان و هەموو پێكهاتەكانی سوریا بە عەرەب، كورد، سریانی، توركمان، ئاشووری، ئەرمەنی، پارێزگاری لە دەستكەوتەكانی خۆیان دەكەن، ئەمە جگە لەئەوەی كە لە سوریای نوێدا شوێن و پێگەی خۆیان مسۆگەردەكەن”.
