بڕیارە ئەمڕۆ ئەنتۆنی بلینکن وەزیری دەرەوەی ئەمریکا بگاتە عەممانی پایتەختی ئوردن.
بەپێی راگەیەندراوێکی وەزارەتی دەرەوەی ئوردن، ناوبراو لە عەممان لەگەڵ وەزیرانی دەرەوەی ئوردن و سعودیە و میسر و قەتەر و ئیمارات کۆدەبێتەوە.
تەوەری کۆبوونەوەکەی بلینکن لەگەڵ وەزیرانی دەرەوەی وڵاتە عەرەبییەکان هێرشەکانی ئیسرائیلە بۆ سەر کەرتی غەززە و هەوڵدەدرێت بۆ وەستاندنی ئەو هێرشانە و گەیاندنی هاوکاری مرۆیی بۆ هاوڵاتییانی لێقەوماو.
