لە ساڵی 2023 دا تورکیا بەبەهای 151 ملیۆن و 568 هەزار دۆلار فستقی هەناردەی 96 وڵاتی جیهان کردووە لە نێویشیاندا عێراق بە بەهای 12 ملیۆن و 628 هەزار دۆلار.
هەریەکە لە شارەکانی ئورفە و غازی ئەنتاب ساڵانە بڕێکی زۆر لە فستق بە کوالێتییەکی باش و تامێکی جیاواز بەرهەمدەهێنن و تەنها لە ساڵی رابردوودا کۆی بەرهەمی وڵاتەکە لە فستقدا 10 هەزار و 390 تۆن بووە.
لەناو ئەو وڵاتانەی زۆرترین بڕی فستقی تورکیایان هاوردەکردووە، ئەڵمانیا لە پلەی یەکەمدایە کە بە بەهای 36 ملیۆن و نۆ هەزار دۆلار فستقی هاوردەکردووە، لەدوای ئەویش ئیتاڵیا دێت کە بەبەهای 22 ملیۆن و 460 هەزار دۆلار فستقی تورکیای هاوردەکردووە، عێراقیش پلەی سێیەمی ریزبەندییەکەی گرتووە.
