وەزارەتی دارایی هەرێم گەیشتنی 250 ملیار دیناری دیكە رادەگەیەنێت.
وەزارەتی دارایی و ئابوریی هەرێم رایگەیاند، کەمێک لەمەوبەر 250 ملیار دیناری دیكە لە رێگای بانکی رەشیدەوە گەیشتە سەر هەژماری بانکیی وەزارەتی دارایی و ئابوریی هەرێمی کوردستان لە لقی هەولێری بانکی ناوەندی عێراق.
پێشتریش وەزارەتەكە گەیشتنی بڕی 200 ملیار دیناری لەلایەن بانكی رافیدەین-ەوە ئاشكراكرد.
وەزارەتی دارایی ئەوەشی خستەڕوو، رۆژی شەممە 4ی تشرینی دووەم لەگەڵ داهاتی ناوخۆ دەست بە دابەشکردنی مووچەی مانگی ئابی فەرمانبەران و مووچەخۆرانی هەرێمی کوردستان دەکرێت و رۆژی پێنجشەممە 9ی تشرینی دووەم کۆتایی بە دابەشکردنی مووچە دێت.
