وەزارەتی كارەبای هەرێم دەڵێت، ئامێدی وەك یەكەم قەزا لەسەر ئاستی هەرێمی كوردستان بووە خاوەن سیستمی پریپەیدی كارەبا.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، پڕۆژەی پریپەیدی كارەبا لە سەنتەری قەزای ئامێدی جێبەجێكراوە لە ئێستادا كاری پێدەكرێت و هاوڵاتییان دەتوانن بە شێوەیەكی باشتر و زیاتر و دادپەروەرانەتر سوود لە كارەبا وەربگرن.
هەر لە راگەیەندراوەكەدا هاتووە، پریپەیدی كارەبا سیستمێكی پێشكەوتووی جیهانییە و بەهۆیەوە بە شێوەیەكی دادپەروەرانە و ئابورییانە كارەبا بەكاردەهێنرێت و لە پلانی وەزارەتی كارەبادایە ئەم پڕۆسەیە لەسەرانسەری هەرێمی كوردستان جێبەجێبكات.
