بەپێی بڕیارێکی وەزارەتی پەروەردەی عێراق، بەکارهێنانی مۆبایل بۆ تۆمارکردنی وێنە و ڤیدیۆی خوێندکاران لە نێو خوێندنگە و پۆلەکاندا، قەدەغەکرا.
کەریم سەید، وتەبێژی وەزارەتی پەروەردەی عێراق لە راگەیاندراوێکدا بڵاویکردەوە، تۆمارکردنی وێنە و ڤیدیۆ لەپۆلدا و بڵاوکردنەوەیان لەتۆڕە کۆمەڵایەتییەکاندا دەبێتە هۆی دروستکردنی فشار و گاڵتەپێکردن و لەکەدارکردنی خوێندکاران، بۆ رێگریکردن لەو دۆخە وەزارەتی پەروەردە جەخت دەکاتەوە لەسەر بەکارنەهێنانی کامێرای مۆبایل بۆ تۆمارکردنی وێنەی خوێندکاران و بڵاوکردنەوەیان لە تۆڕە کۆمەڵایەتییەکاندا.
کەریم سەید، دەشڵێت، وەزارەتی پەروەردە توندترین ڕێگەی کۆنترۆڵکردن بۆ ڕێگریکردن لەو جۆرە حاڵەتانە و لێپرسینەوەی یاسایی لە سەرپێچیکاران ، دەگرێتەبەر.
