کۆمسیۆنی باڵای سەربەخۆی هەڵبژاردنەکانی عێراق ژمارەی ئەو کاندیدانەی بڵاوکردەوە کە لە هەڵبژاردنی داهاتوودا دوورخراونەتەوە.
جومانە غولای، وتەبێژی کۆمسیۆنی باڵای سەربەخۆی هەڵبژاردنەکانی عێراق لە لێدوانێکیدا ڕاگەیاند، “ژمارەی ئەو کاندیدانەی لە هەڵبژاردنی داهاتوو دوورخراونەتەوە 461 کەسە، هاوکات 54 کەسیان بەهۆی هەبوونی کەیسی تاوانکاریی و 240 کەسی دیکەشیان بەهۆی بابەتی لێپێچینەوە لە چەند کەیسێک دوورخراونەتەوە”.
دەشڵێت، “167 کاندیدەکەی دیکەش بەهۆکاری ساختەکردنی بەڵگەنامە و ئەندامبوون لە دەزگا ئەمنییەکان و هەبوونی کەیسی لێکۆڵینەوە لە دەستەی دەسپاکیی عێراق دوورخراونەتەوە”.
