ئیدارەی پارێزگای هەڵەبجە، لەگەڵ لیژنەی تایبەت بە دیاریکردنی رۆژی هەڵەبجە کۆبوونەوە، رۆژی 24ی مانگی 11ی هەموو ساڵێک وەکو یادی رۆژی هەڵەبجە دیاریکرا.
لە راگەیاندراوێکدا، راگەیاندنی پارێزگای هەڵەبجە بڵاویکردەوە، بهسهرپهرشتی ئازاد تۆفیق، پارێزگاری ههڵهبجه به ئامادهبوونی جێگری پارێزگار، لهگهڵ لیژنەی تایبەت بە دیاریکردنی ڕۆژی هەڵەبجە، یەکەمین كۆبوونهوهی سهبارهت به ئامادهكارییهكان بۆ یەکەمین ڕۆژی هەڵەبجە ئەنجامدا.
ئەوەشی خستووەتەڕوو، “لە کۆبوونەوەکەدا بڕیاردرا، رۆژی 24ی مانگی 11ی هەموو ساڵێک وەکو رۆژی هەڵەبجە دیاریبکرێت، ئەمەش لەبەرامبەر ئەوەی بەپێی سەرچاوە مێژووییەکان، 24ی 11ی 1869 بەرواری دەستبەکاربوونی یەکەم قائیمقامی هەڵەبجەیە لە سەردەمی دەسەڵاتی عوسمانییەکان”.
لە درێژەی راگەیەندراوەکەی پارێزگای هەڵەبجە ئاماژە بەوەشکراوە، “هەموو ساڵێک لەو یادەدا، کۆمەڵێک چالاکی جۆراو جۆر بەڕێوەدەچن، ئەوەش بەمەبەستی نیشاندانی جوانییەکانی هەڵەبجە و خستنەڕووی مێژووی دێرینی شارەکە”.
