وەزیری کار و کاروباری کۆمەڵایەتیی هەرێم سەردانی سلێمانی کرد و رایگەیاند، “هەوڵ دەدەین بەخشراو و بێلانەکان لە سەرمای زستان بپارێزین و شوێنێکیان بۆ بکەینەوە”.
کوێستان محەمەد، وەزیری کار و کاروباری کۆمەڵایەتیی هەرێمی کوردستان، لە لێدوانێکیدا دوای سەردانکردنی بەڕێوەبەرایەتیی گشتیی تەندروستیی سلێمانی ئاماژەی بەوەکرد، “بەخشراو و بێلانەکان لەناو شار و کوچە و کۆڵانەکان دوردەخەینەوە و هەوڵدەدەین تا پێش هاتنی وەرزی زستان جێگەیەکی شایستەیان بۆ دابین بکەین”.
ئەوەشی خستەڕوو، “پڕۆژەیەکی گرنگمان پێشنیار کردووە کە خۆی لە ماڵێکی 50 قەرەوێڵەیی سەردەمیانە دەبینێتەوە و گرفتەکە چارەسەر دەکات و هەوڵدەدەین جێبەجێبکرێت”.
