دەستەی كارپێكردنی كێڵگەی رومێلە لە بەسرە رایدەگەیەنێت، تا كۆتایی ئەمساڵ توانای بەرهەمهێنان بۆ 1.4 ملیۆن بەرمیلی رۆژانە بەرزدەكاتەوە.
عیماد حەسەن، بەڕێوەبەری دەستەكە رایگەیاند، توانای ئێستای كێڵگەكە دەگاتە یەك ملیۆن و 300 هەزار و 89 بەرمیلی رۆژانە، لە پلاندایە ئەو بڕە بۆ 1.4 ملیۆن بەرمیلی رۆژانە تا كۆتایی ئەمساڵ بەرزبكرێتەوە.
كێڵگەكە بە دووەم گەورە كێڵگەی نەوت لە جیهاندا لەڕووی بەرهەمهێنانەوە دادەنرێت، لەكاتێكدا رووبەرە جوگرافییەكەی 1600 كیلۆمەتر چوارگۆشەیە بە درێژیی 80 كیلۆمەتر و پانیی 20 كیلۆمەتر.
