هەڤاڵ ئەبوبەكر پارێزگاری سلێمانی لە لێدوانێكی رۆژنامەوانیدا رایدەگەیەنێت، ئەركی حكومەتی هەرێمە بە هەر شێوەیەك بێت مووچە بۆ مووچەخۆرانی هەرێمی كوردستان دابینبكات و دەشڵێت، ” لە رابردوودا بەناوی پاشەكەوتەوە چەندین مووچەی مووچەخۆران فەوتاوە.
راشیگەیاند، ئێمە پەیامی خۆمان بەرپرسیارانە گەیاندووە و پێشتر مووچەخۆران بەناوی پاشەكەوتی مووچە چەندین مووچەیان فەوتاوە و متمانە لە نێوان هاوڵاتی و حكومەت لاوازبووە ناكرێت 32 ساڵ حكومەتمان هەبێت و مووچەیەكی پاشەكەوتكراوی نەبێت و داوا لە حكومەتی عێراق دەكەین پابەندی رێككەوتنەكان بێت و مووچەی مووچەخۆرانی هەرێم دابینبكات.
لەبارەی دابەشكردنی نەوتی سپی بەسەر هاوڵاتییانیش، پارێزگاری سلێمانی وتیشی، “لە ماوەی رابردوودا یەك بەرمیل نەوتی سپی بە 40 هەزار دینار دابینكراوە و پێی دەستوور دەبێت هاوشێوەی پارێزگاكانی عێراق نەوتی سپی بۆ هاوڵاتییانی هەرێمی كوردستانیش دابەشبكرێت”.
