جێگری سەرۆكی ژووری بازرگانیی سلێمانی رایدەگەیەنێت، بەرزبوونەوەی بەهای دۆلار كاریگەری لەسەر نرخی شمەك و كاڵاكان لە بازاڕدا دەبێت و نرخەكەیان بەرزدەبێتەوە.
نەوزاد غەفور جێگری سەرۆكی ژووری بازرگانیی سلێمانی لە لێدوانێكدا بە تۆڕی میدیایی ئێستای راگەیاند، بازرگانەكان شمەك و كاڵاكانیان لە دەرەوە بە دۆلار دەكڕن و بە بەرزبوونەوەی دۆلار لە بازاڕدا كاریگەری لەسەر نرخی شمەك و كاڵاكان دەبێت و نرخەكەیان بەرزبوونەوە بەخۆوە دەبینێت.
ئاماژەی بۆ ئەوەش كرد، هەرچەندە بەشێكی بازرگانەكان دۆلاریان بە نرخی فەرمی لە رێگای سەكۆی ئەلیكترۆنییەوە پێدەدرێت، بە پێچەوانەوەشەوە ژمارەیەك لە بازرگانەكان لە بازِاردا دۆلار دەكڕن و بەرزبوونەوەی نرخەكەشی كاریگەری لەسەر نرخی شمەك و كاڵاكان دەبێت.
