بەهۆی خراپی رەوشی کەشوهەوا سبەینێ لە ناوەندەکانی خوێندن لە پارێزگای کەرکوک کرایە پشووی رەسمی.
لە راگەیەندراوێکی پارێزگای کەرکوکدا هاتووە، “رێبوار تەها پارێزگاری کەرکوك بڕیاریدا بە راگرتنی دەوامی رەسمی بۆ سبەینێ یەکشەممە لە سەرجەم باخچەکانی منداڵان و خوێندنگە سەرەتایی، ناوەندی و ئامادەییەکان لە سەرتاسەری پارێزگاکەدا”.
ئاماژەی بەوەشکرد، “ئەم بڕیارە لەژێر رۆشنایی راپۆرتەکانی کەشناسی و پەروەردەی کەرکوك و لەپێناو پاراستنی سەلامەتیی خوێندکاران دراوە بەهۆی بەردەوامیی دۆخی نالەباری کەشوهەوا، شەپۆلی بارانبارین و دابەزینی پلەکانی گەرما”.
ئاشکراشیکرد، “سبەینێ دەوامی رەسمی لە فەرمانگە حکومییەکان و کۆلێژەکان وەک ئاسایی بەردەوامدەبێت”.
