وتەبێژی وەزارەتی ئەوقافی هەرێم رایدەگەیەنێت، لە رۆژی یەكشەممەی داهاتووەوە ناونووسین بۆ فەریزەی حەج دەستپێدەكات و دەشڵێت، “دەستەی باڵای حەجی عێراقی نرخەكەی دیاریدەكات بە هەرێمی كوردستانیشەوە “.
نەبەز ئیسماعیل وتەبێژی وەزارەتی ئەوقاف و كاروباری ئایینیی هەرێم لە لێدوانێكدا بە تۆڕی میدیایی ئێستای راگەیاند، لە ساڵی 2017ەوە ناونووسین بۆ حاجییان ئەنجامنەدراوە و دوای شەش ساڵ بڕیارە لە رۆژی یەكشەممەی داهاتووەوە بۆ ماوەی 12 رۆژ ناونووسین دەستپێدەكات و ئەوانەشی كە ناویان لە ساڵی 2017 نووسیوە پێویست ناكات جارێكی دیكە ناو بنووسنەوە و لە نووسینگەی حەج و بەڕێوەبەرایەتیی ئەوقافی پارێزگاكان دەتوانرێت ناو بنووسرێت.
راشیگەیاند، ساڵی رابردوو نرخی فەریزەی حەج 4 هەزار و 500 دۆلار بووە و بۆ ئەمساڵ تائێستا نرخەكەی دیارینەكراوە و دەستەی باڵای حەجی عێراقی نرخەكەی دیاریدەكات بە هەرێمی كوردستانیشەوە “.
