هێزەکانی ئاسایشی شارەزوور دەستگیرکردنی جادووگەرێکی راگەیاند و دەستگیرا بەسەر چەندین پارچە دوعا و نوشتە و چەک و جلوبەرگی جۆراوجۆردا کە بەکارهاتوون بۆ جادووکردن.
بەڕێوەبەرایەتیی ئاسایشی شارەزوور بڵاویکردەوە، دوای کۆکردنەوەی زانیاری ورد و چاودێریکردن، بە بڕیاری دادوەر 4 ی تشرینی یەکەم لە پارێزگای هەڵەبجە تۆمەتبارێکیان بەناوی ( م، ع، م )دەستگیرکرد، لە رێگای دوعا و نوشتەکردن هەوڵیداوە هاوڵاتیاین فریوبدات.
ئاشکراشیکرد، لەدوای دەستگیرکردنی تۆمەتبار و پشکنینی ماڵەکەی، دەستگیرا بەسەر چەندین پارچە دوعا و نوشتە و چەک و جلوبەرگی جۆراوجۆردا کە بەکارهاتوون بۆ جادووکردن و لە ئێستادا بە ماددەی 240 لە یاسای سزادان راگیراوە و لێکۆڵینەوە لە دۆسیەکەی بەردەوامە.
