د. هەڤاڵ ئەبوبەكر پارێزگاری سلێمانی لە لێدوانێكدا بە تۆڕی میدیایی ئێستای راگەیاند، هەوڵەكانمان چڕتركردووەتەوە كە تاوەكو مانگی تەمموزی ئەمساڵ گەشتە ئاسمانییەكانی نێوان توركیا لەگەڵ فڕۆكەخانەی نێودەوڵەتیی سلێمانی بكرێنەوە.
راشیگەیاند، هەفتەی رابردوو پێشوازیمان لە 25 سەرمایەداری توركیا كردووە و بەمەبەستی برەودانی زیاتر بە سێكتەری بازرگانی داوای دەستپێكردنەوەی گەشتە ئاسمانییەكانمان كرد.
پارێزگاری سلێمانی جەختیكردەوە، هەوڵەكانمان لە هەموو ئاستەكاندا بەردەوامە كە سەرمایەگوزاریی زیاتر بۆ سلێمانی فەراهەم بكەین و ئومێددەكەین ئەو قسانەی كراون بكرێنە بڕیار.
