ئەمشەو بۆردومانی بناری قەندیل و سنووری قەزای ماوەت كرا و تائێستا زەرەر و زیانەكانی بە تەواوی نەزاندراون.
بەپێی زانیارییەكان، ئەمشەو بە فڕۆكەی بێفڕۆكەوان بناری قەندیل و سنووری قەزای ماوەت بۆردومان كرا و تائێستاش فڕۆكەی بێفڕۆكەوان بە ئاسمانی ئەو ناوچانەدا دەسووڕێنەوە ترس و دڵەڕاوكێیانی لای هاوڵاتییانی ئەو سنوورانە دروستكردووە.
هەر بە پێی زانیارییەكان بۆردومانەكەی ئەمشەوی سنووری قەزای ماوەت نزیكەی دوو كیلۆمەتر لە شوێنی نیشتەجێبوونی هاوڵاتییانەوە دووربووە و هیچ زیانێكی گیانی نەبووە.
