سەرۆک کۆماری ئێران لە سلێمانییەوە رایگەیاند، “پێمخۆشبوو خەڵکی سلێمانی لە نزیکەوە ببینم”.
مەسعود پزیشکیان، سەرۆک کۆماری ئێران لە سەردانەکەیدا بۆ سلێمانی رایگەیاند، پێمخۆشبوو سەردانی سلێمانی بکەم و خەڵکەکەی لە نزیکەوە ببینم.
باسی لەوەشکرد، “دەمانەوێت لەگەڵ یەکێتی و سلێمانی و هەولێر پەیوەندییەکانمان لە بوارەکانی ئابوری و بازرگانی و ئەمنی، بەهێزتر بکەین و هەماهەنگی لەگەڵ یەکتریدا بکەین”.
ئەمڕۆ مەسعود پزیشکیان، سەرۆک کۆماری ئێران، لەچوارچێوەی سەردانە سێ رۆژییەکەیدا بۆ عێراق، سەردانی هەولێر و سلێمانیی کرد و چەند کۆبوونەوەیەکی لەگەڵ بەرپرسانی کورد ئەنجامدا.
