وەزیری وزەی تورکیا رایگەیاند، لە ئەمڕۆوە بۆری گواستنەوەی نەوتی هەرێم ئامادەیە بۆ دەستپێکردنەوەی هەناردەی نەوت.
ئاڵپ ئارسلان بایراکتار وەزیری وزەی تورکیا لە کۆنفڕانسی نەوتی ئەبوزەبی رایگەیاند، ” لە ئەمڕۆوە بۆری گواستنەوەی نەوتی هەرێم ئامادەیە بۆ دەستپێکردنەوەی هەناردەی نەوت و لە هەفتەی داهاتووشەوە هەناردەکردنی نەوت لە رێگەی بەندەری جەیهانەوە دەستپێدەکاتەوە”.
ئاماژەی بەوەشکرد، “لە دوای دەستپێکردنەوەی هەناردە رۆژانە نیو ملیۆن بەرمیل نەوت لە رێگەی هێڵی نەوتی عێراق و تورکیا هەناردەی بازاڕەکانی جیهان دەکرێت”.
