ئەمڕۆ لەسەر رێگای کەلار – دەربەندیخان نزیک گوندی عیسای رووداوێکی سەختی هاتوچۆ روویدا و بەهۆیەوە سێ کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، “کەمێک پێش ئێستا لەسەر رێگای کەلار – دەربەندیخان بەهۆی رووداوێکی هاتووچۆوە لە نێوان (جێب لاریدۆ – نیسان پیکاب) سێ کەس برینداربوون، بریندارەکان شۆفێر و سەرنشینێکی نیسان پیکابەکەیە لەگەڵ سەرنشینێکی ئۆتۆمبێلی جێب لاریدۆ”.
ئاماژەی بەوەشکرد، “هەردوو ئۆتۆمبێلەکە بە ئاڕاستەی قەزای دەربەندیخان رۆیشتوون لەناو گوندی عیسای رووداوەکە روویداوە، پاشان هەردوو ئۆتۆمبێلەکە وەرگەڕاون بەمەبەستی زانینی هۆکاری رووداوەکە و چۆنیەتی رووداوەکە لێکۆڵینەوە لەلایەن تیمی هاتوچۆی گەرمیانەوە بەردەوامە، هەر سێ بریندارەکە گەیەنراونتە نەخۆشخانەی شەهید مەلا ئەحمەد کەلاری لە ناحیەی باوەنوور”.
