بەڕێوەبەرایەتیی پۆلیسی ڕاپەڕین ئاشکرای کرد لە دوو ڕووداوی هاتوچۆدا کە ئەمڕۆ لەناوچەکە ڕوویانداوە دوو کەس گیانیان لەدەستدا کە یەکێکیان ناسنامەی دیارنییە.
لە ڕاگەیەندراوێکدا بەڕێوەبەرایەتیی هاتوچۆی ڕاپەڕین ڕایگەیاند، “لە ڕووداوێکی هاتوچۆدا کە پێشنیوەڕۆی ئەمڕۆ ڕوویدا و تێیدا کەسێک برینداربوو و کەمێک بەرلە ئێستا گیانیلەدەستدا”.
پۆلیسی ڕاپەڕین دەڵێت، ئەو کەسەی لەو ڕووداوەدا گیانیلەدەستداوە هیچ ناسنامەیەکی پێنەبووە و داوا لە کەسوکارەکەی دەکات سەردانی پزیشکی دادی ڕاپەڕین بکەن بۆ وەرگرتنەوەی تەرمەکەی.
پۆلیسی ڕاپەڕین ڕاشیگەیاندووە، لە ڕوداوێکی دیکەی هاتوچۆدا کە ئێوارەی ئەمڕۆ لە ناحیەی چوارقوڕنە ڕوویدا، کەسێک بەناوی (یـ، هـ، ح) گیانی لەدەستدا.
