سەرۆك كۆماری عێراق داوای ئەنجامدانی لێكۆڵینەوە دەكات لەسەر رووداوەكەی حەمدانییە و داوادەكات رێكاری پێویست بگیرێتەبەر بۆ ئەوەی رووداوی لەو جۆرە دووبارەنەبێتەوە.
د. لەتیف رەشید سەرۆك كۆماری عێراق سەبارەت بە رووداوی ئاگركەوتنەوەكەی قەزای حەمدانییە رایگەیاند، ئەوەی روویدا كارەساتێكی بە ئازارە و دڵمان لای ھەموو عێراقییەكانە.
جەختیشیكردەوە لە گرنگی دەستپێكردنی لێكۆڵینەوە لە رووداوەكە و گرنگی گرتنەبەری ھەموو رێكارێكی سەلامەتی بۆ رێگریكردن لە دووبارەبوونەوەی رووداوی لەوجۆرە هاوكات سەرەخۆشی خۆشی ئاڕاستەی كەسوكاری قوربانییان كرد و ھیوای زوو چاكبوونەوەی بۆ برینداران خواست.
