ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، پشتیوانی لە هەر بڕیارێك دەكەین كە بۆ دابەشكردنی مووچەی فەرمانبەرانی هەرێم دەردەكرێت و دەشڵێت، “كار بۆ هەمواركردنەوەی یاسای بودجە دەكەین”.
یوسف كلابی ئەندامی لیژنەی دارایی لە ئەنجومەنی نوێنەرانی عێراق لە دیدارێكی تەلەفزیۆنیدا رایگەیاند، حكومەت و پەرلەمان مافی ئەوەیان نییە پێچەوانەی یاسای بودجە هەنگاو بنێن، بەڵام پێویستە فەرمانبەرانی هەرێم مافی خۆیان وەربگرن كە مووچەكانیانە و ئێمە پشتیوانی لە هەر بڕیارێك دەكەین كە بۆ دابەشكردنی مووچەی فەرمانبەرانی هەرێم دەردەكرێت.
ئاماژەی بۆ ئەوەش كرد، پێویستە لایەنە سیاسییەكان كار بۆ هەمواركردنەوەی یاسای بودجە بكەن كار بۆ هەمواركردنەوەی ئەو بڕگەیە دەكەین و پێویستە ئەولەویەت بۆ دابەشكردنی مووچەی فەرمانبەرانی هەرێم بێت و ئێمە دەمانەوێت چارەسەری ریشەیی بۆ كێشەی مووچەی فەرمانبەرانی هەرێم بكەین.
